Pasieanta- ja geavaheaddjeáittardeaddji galgá fuolahit ahte sámi pasieanttain ja geavaheddjiin miehta riikka leat áittardeaddjebálvalusat olámuttos. Mii ohcat ráđđeaddi geas lea buorre máhttu sámegiela ja sámi kultuvrra birra gii sáhttá veahkehit ovdánahttit áittardeaddjebálvalusaid nu ahte dat áimmahuššet dárbbuid álbmoga sámi oasis. Virgái gullá ovttasbargu sihke pasieanttaiguin, geavaheddjiiguin, oapmahaččaiguin ja dearvvašvuođabálvalusain. Mii ohcat du gii liikot ráđđeaddimii ja oahpaheapmái. Dus šaddá ovddavástádus ja beasat oassálastit áššemeannudeapmái buot surggiin min servodatdoaimmas.
Áigemearri ohcat: 15.03.2023
Bargoaddi: Dearvvašvuođadirektoráhtta
Báiki: Hámmerfeasta
Virgenamahus: Ráđđeaddi/senioráđđeaddi (Fuolahusbálvalusat sámi pasieanttaide ja geavaheddjiide)
Virggit: 1
Ollesággi / Oasseáiggi: Ollesáiggi
Virgádanref: Bistevaš
Virgeproseanta: 100
Webcruiter-ID: 4611715990
SØK HER: Annonse - Webcruiter
Barggut
Mis lea oktavuohta olbmuiguin, mii juohkit dieđuid pasieanta - ja geavaheaddjevuoigatvuođaid birra, váidin- ja buhtadusortnegiid birra. Áittardeaddji addá veahki hábmet váidagiid, oassálastá čoahkkimiin gaskal pasieanttaid ja dearvvašvuođabargiid. Deháleamos barggut leat:
- dahkat pasieanta- ja geavaheaddjeáittardeaddji bálvalusaid dovddusin sámi pasieanttaide ja geavaheddjiide, sin oapmahaččaide ja berošteaddjeorganisašuvnnaide
- Juohkit dieđuid vuoigatvuođaid- váidin-, ja buhtadusortnegiid birra
- veahkehit pasienttaid/geavaheddjiid hábmet gažaldagaid ja váidagiid dearvvašvuođa- ja fuolahusbálvalussii
- oassálastit čoahkkimiidda gaskal pasienttaid/geavaheddjiid ja dearvvašvuođabargiid
- veahkehit bajidit máhtu sámi kultuvrra ja sámegiela birra logaldallamiiguin, oahpahusain jna.
Mis lea viiddis oktavuohta pasieanttaiguin, geavaheddjiiguin ja oapmahaččaiguin ja spesialistadearvvašvuođa, gieldda dearvvašvuođabálvalusa ja fylkkagieldda bátnedikšobálvalusa bargiiguin. Dieđut maŋás dearvvašvuođa- ja fuolahusbálvalussii leat dehálaš oassi barggus. Dan seamma lea diehtojuohkinbargu, logaldallamat, ja oktavuohta bálvalusbáikkiiguin ja geavaheaddjeorganisašuvnnaiguin.
Áittardeaddjeortnega kantuvrrain lea rasttildeaddji ovttasbargu sihke go guoská áššemeannudeapmái ja ovdánahttinbargguide. Sorjavaš gelbbolašvuođas ferte maiddái rehkenastit veahkehit bargguiguin áittardeaddjeortnega rastá regionálalaččat ja nationálalaččat. Son gii virgáduvvo ferte rehkenastit mátkkoštit veahá. Jus šiehtaduvvo gáidduskantturbargosadji min kantuvrrain Troanddin, Bádådoddjo dahje Romssa gávpogis ferte dasa lassin rehkenastit jeavddalaččat mátkkoštit ja leat min kantuvrras Hammerfeasttas.
Gelbbolašvuohta
Mii ohcat du geas lea relevánta bargovásáhus ja alit oahppu juridihkalaš ja/dahje dearvvašvuođa- sosiálasuorgái gulli fágain, gii leat fágalaččat čeahppi, konstruktiivvalaš ja máhtát gávdnat čovdosiid ja leat čeahppi gulahallat sihke olggobeallái ja siskkáldasat.
Dus ferte leat:
- Relevánta alit oahppu (unnimusat 3 jagi allaskuvla dahje universitehta), vuosttažettiin jussii dahje dearvvašvuhtii gulli fágain.
- relevánta bargovásáhus
- buorre máhttu sámegiela, sámi kultuvra ja servodatdiliid birra
- buorre rollaipmárdus, integritehta ja gálga bargat iešheanalaččat
- miella ja gálga ovttasbargat fágaid ja dásiid rastá ja veahkehit ovdánahttit pasieanta- ja geavaheaddjeáittardeddjiid organisašuvdnan
- gálga ovdanbuktit iežat bures sihke sámegillii ja dárogillii, sihke njálmmálaččat ja čálalaččat
Dus berret leat:
- vásáhus bargat njuolga pasieanttaiguin/geavaheddjiiguin/klieanttaiguin
- vásáhus doallat ovdanbuktimiid ja logaldallamiid
- máhttu ja ipmárdus daid iešguhtege dásiid birra dearvvašvuođa- ja fuolahusbálvalusas
- buorre máhttu dearvvašvuođasuorggi njuolggadusaid njuolggadusaid birra - earenoamážit Pasieanta- ja geavaheaddjevuoigatvuođalága
- hárjáneapmi ovdánanproseassaiguin ja jođihit fágaidrasttideaddji joavkkuiguin ja bargojoavkkuiguin
- máhttu ja vásáhus bargat kvalitehtain ja ja pasieantasihkkarvuođain dearvvašvuođa- ja fuolahusbálvalusas
Persovnnalaš iešvuođat
Mii ohcat du:
- gii leat čeahppi guldalit, oaidnit čovdosiid ja gulahallat bures siskkáldasat ja olggobeallái
- gii leat empátalaš go deaivvat pasieanttaid ja geavaheddjiid geat váldet minguin oktavuođa
- geas lea buorre gálga hálddašit barggu olu iešguđetlágan áššiiguin oktanaga
- gii oainnát vejolašvuođaid viidásitovdánahttit fágasuorggi ja loktet barggu kvalitehta geas lea beroštupmi ja leat ealljár
Buorre gálga váikkuhit positiivvalaččat buori bargobirrasii lea earenoamáš dehálaš. Persovnnalaš heivvolašvuohta deattuhuvvo.
Mii fállat
- bissovaš virggi mas vuosttamužžan lea kantuvra Hámmerfeasttas, muhto lea maiddái vejolaš šiehttat min kantuvrraid Troanddin, Bådåddjo ja Romssa gávpogiin gáiddusbargosadjin
- bálká ráđđeaddin (virgekoda 1434) bálkáceahkkálasas 544 400,- ru. rájes gitta 626 300,- ruvnno rádjái (bálkáceahkki 59 - 67). Earenoamáš máhttádan ohcciid sáhttá árvvoštallat seniorráđđeaddin (virgekoda 1364) bálkáceahkkálasas 626 300,- ru. rájes gitta. 746 900,- ru. rádjái (bálkáceahkki 67 - 76)
- vejolašvuohta lášmmohallat bargoáiggis
- buorit penšuvdna-, loatna- ja dáhkádusortnegat Statens pensjonskasses (Stáhta penšuvdnakássas)
- buorit seniorortnegat 62 jagi rájes
- máškidis bargoáigi
Min luhtte oaččut don bargoskihpáriid geat leat rámis iežaset bargguin ja lea beroštupmi bargui. Mii sávvat dutnje bures boahtin bargosearvevuhtii mas fágaidrasttideaddji ovttasbargu lea áibbas mearrideaddjin.
Máŋggabealatvuohta Dearvvašvuođadirektoráhtas
Dearvvašvuođadirektoráhta mielbargit galget ovddastit olles Norgga álbmoga, ja mii háliidit bargiid geain leat iešguđetlágan ahki sohkabealli, ja duogáš dáfus. Mii háliidit váikkuhit ráđđehusa ulbmila joksamii ahte 5 % ođđa virgádemiin stáhtas galget leat olbmot geain leat ráiggit CV:s dahje hedjonan doaibmanákca, ja mii háliidit maiddái láhčit dili bargiide geain lea hedjonan doaibmannákca. Jus don dieđihat ahte dus lea hedjonan doaibmannákca, sisafárrejeaddji duogáš dahje ráigi CV:s sáhttet dieđut geavahuvvot registrerenáigumušaide.
Ohcciidlisttu almmuheapmi
Mii fuomášahttit ahte diehtu ahte don leat leat ohcci sáhttá almmuhuvvot vaikko don leat dáhtton ahte it galgga čállojuvvot ohcciidlistui, gč. almmolašvuođalága § 25.
Oza elektrovnnalaččat
Registrere iežat ohcama elektrovnnalaččat ovdal ohcanáigemearri dievvá. Don fertet bidjat buot guoskevaš bargoduođaštusaid ja oahppoduođaštusaid mielddusin go ozat.
Pasieanta- ja geavaheaddjeáittardeaddji bargosuorgi lea almmolaš spesialistadearvvašvuođabálvalus, gieldda dearvvašvuođa- ja fuolahusbálvalus ja almmolaš dearvvašvuođabálvalus. Pasieanta- ja geavaheaddjeáittardeaddji galgá áimmahuššat pasieanttaid ja geavaheddjiide- ja fuolahusbálvalusa kvalitehta. Pasieanta- ja geavaheaddjeáittardeaddjeortnet lea hálddahuslaččat čadnon dearvvašvuođadirektoráhttii. Áittardeaddji doaimmaha doaimmas iešheanalaččat ja sorjákeahttá. Romssa ja Finnmárkku geavaheaddjeáittardeaddjis lea kantuvra Finnmárkkus ja Hammerfeasttas.